Mabishano makali mkutano wa ConvergeSouth

Tiffany Brown amezua mjadala mkali sana. Binti huyu ambaye anablogu hapa na hapa, alikuwa akiongoza mjadala kuhusu "wanablogu wa pembezoni." Hoja yake ikiwa ni kuwa watu weusi na hasa wanawake wako nje ya mduara wa blogu ambazo zinachangia katika mijadala ya kisiasa Marekani. Dave Winer aliposikia hayo akaja juu. Tena akatishia kuondoka ndani ya chumba akisema kuwa "kama unajuka kwenye ulimwengu wa blogu acha kabisa mizigo yako huko nje...hii mambo ya mweusi, mweupe, mwanamke ni upuuzi...hii ni kinyume kabisa na nia ya blogu."

Winer akaongeza kuwa wanablogu wote wako pembezoni ndio maana wanablogu. Tumetengwa na vyombo vya habari ndio maana tunablogu...wote tuko pembezoni. Hapo ndugu mmoja akamvamia Winer na kusema kuwa wanablogu kama jamii kuna ambao wako pembezoni na wengine ni vinara.

Tiffany akasisitiza kuwa ujumbe wake ni kuwa blogu za watu weusi na hasa wanawake hazipewi kipaumbele kwenye viunganishi ndani ya blogu kubwa na hata vyombo vya habari vinapozungumzia blogu havizitaji. Akasema kuwa hazungumzii blogu zinazozumgumzia mambo kama ufumaji, upandaji maua, n.k. bali anazungumzia blogu zinazozungumzia masuala mazito ya kisiasa ambayo lazima yaingizwe katika mijadala ya kitaifa.

** Mkutano ninaozungumzia ni huu hapa.