DUNIA YA VICHAA

DUNIA YA VICHAA!

Ana akili timamu
Au hana?
Nilijiuliza.

Nywele ni msokoto,
Ni rasta au mlala barabarani?
Sikuwa na jibu.

Mara akanisogelea,
Akaniuliza jambo,
Sikumsikia vyema,
Nikamtaka arudie,
Hakurudia,
Akasema:
Kumbe unajua watu wote vichaa.

Vichaa?
Nikamuuliza nikishangaa,
Ndio, dunia nzima imejaa vichaa,
Akajibu akinikazia macho, na kuendelea:
Tazama yanayotokea duniani,
Ndio sababu nimeamua kutumia lile jani,
Bila hivyo nami nitachanganyikiwa.

Niseme nini?

Akaniambia hana makazi,
Kisha akaondoka.

Sijamuona tena hadi leo hii.
- Desemba 31, Marekani