SHAIRI: HISTORIA YA KIGANJA CHAKO

Tafadhali,
Leo
Kabla hatujashikana mkono
Kusalimiana,
Mambo, vipi,
Habari, nzuri,
Shikamoo, marahaba
Salaam aleikum…
Nipe historia fupi
Ya kiganja chako
Kwa siku nzima,
Kimekwenda wapi?
Kimeshika nini?
Kimegusa nini?
Kimekuna wapi?
Kimefuta nini?
Kimekamata nini?
Kimepapasa wapi?

Tafadhali sana
Nipe kwanza hiyo historia
Ndipo niamue
Kukupa mkono
Au la!